Lalto queng balitang aini, icatang Kapampangan biasa tang maliquid queng dapat a mayap a guewa ra quecatamu reng capatad tang Pilipinu iniang itamung misaquitan queng panga-mua na ning bunduc nang Apung Mallari. Ing Aguman mi queni, ampo reng aliwa pang Filipino-American organizations Oregon, miyayambagan caming tia $100 para dala na ning Philippine-American Chamber of Commerce of Oregon queng carelang trade mission caniang Pebreru nung nu maquiquit la naman queng Presidenti qng Malacanan. Ing Aguman mi mag-medical mission ya Pampanga, Tarlac at La Union, magumpisa queng Enero 15 (two days from today). Labi-la-limang barrio reng atdanan nang panulu para careng pacacalulung masaquit. Deng miembru na ning delegacion a pemarala cu, labi-lang-anam at atyu no ngan carin, cambe ning panulung seli mi qng World Medical Mission. Ing mumunang diling puntalan da ing Magalang, at marapat qng Central School, ing cadua tutuquing aldo qng Macabebe at Masantol (marapat qng arap pisamban Masantol, at quilub pisamban Sto. Rosario, Macabebe. Ating local doctor at nurses a sumaup, at macayantabe la reng grupu mi cabang uluan do reng tau (usually about 300 or so). Nung wari, babalita cu mu para bancanita pota nung atin mu namang asosacion a bisang dapat queng anti canini.
Luid ya ing balen!
Luid ya ing balen!
